САРСУХАН

Шоири кӯдактабиату пири ботадбири мо, Назар Табарзодаи Деҳбаландӣ бо ашъори наваш табъи хонандагони хушзавку қадршиносиро болида гардонд.

Ана мо боз як ашъори шоирро дар даст дорем ва ба олами кӯдакистон ворид шудем. Шоир бо лаҳҷаи ба худаш хос аз номи кӯдакон суханпардозӣ мекунад. Тарафҳои норавшани зиндагии кӯдаконро ба мо равшан менамояд. Бо лаҳни хушу гуворо ба мо нақл мекунад.

Шоир дар солҳои гуногун ашъори «Автобуси лаҷомдор», «Сайри кӯҳсор», «Гулҳои сабз», «Харбузаи барги най», «Дуои сабз», «Ҷӯяҳои сабз», «Рӯҳафзо» ва «Бобои ман деҳқон аст»-ро эҷод намуда ба дасти хонандагонаш супоридааст.

Шоир Назар Табарзодаи Деҳбаландӣ хонандагони сершумор дорад. Инҳо кӯдакони томактабӣ, мактаббачаҳо ва инчунин калонсолон мебошанд. Ҳар касе, ки ашъори шоирро ба даст мегирад, беандоза хушзавқ ва хушҳол мешавад ва аз шоир таманно мекунад, ки умри дароз бинаду минбаъд ҳам барои онҳо шеърҳои шӯху ширин ҳадя намояд.