Ҳайати онҳо дар асоси баробарии намояндагони корфармо ва намояндагони мақомоти интихобии ташкилоти ибтидоии иттифоқҳои касаба ё дигар мақомоти намояндагии кормандон муқаррар карда мешавад. Кумита (комиссия) оид ба ҳифзи меҳнат қисмати созишнома ва шартномаҳои коллективӣ оид ба ҳифзи меҳнатро таҳия мекунад, амалҳои муштараки корфармо ва кормандонро оид ба таъмини талаботи ҳифзи меҳнат, пешгирӣ аз маъюбшавии истеҳсолӣ, бемориҳои касбӣ, инчунин гузаронидани тафтиши шароит ва ҳифзи меҳнат дар ҷойҳои корӣ ва иттилоотонидани кормандонро аз натиҷаҳои тафтишоти мазкур анҷом медиҳад.

Кумитаи (комиссияи) ҳифзи меҳнат фаъолияти муштараки корфармоён ва кормандонро оид ба таъмини талабот оид ба ҳифзи меҳнат, пешгирии ҷароҳати истеҳсолӣ ва бемориҳои касбӣ ташкил менамояд, инчунин санҷишҳои шароити меҳнат ва ҳифзи меҳнатро дар ҷойҳои корӣ ташкил менамояд ва кормандонро аз натиҷаи ин санҷишҳо огоҳ мекунад.

18.4. Таъмини ҳуқуқҳои кормандон ба ҳифзи меҳнат

Ҳуқуқи корманд ба ҳифзи меҳнат бо як қатор меъёрҳое, ки дар моддаи 345 ва дигар моддаҳои КМ ҶТ пешбинӣ шудаанд, ҳамчун ҳуқуқи субъективии ҳар як корманд, аз инҳо иборат аст: ҳуқуқ ба ҷои коре, ки ба талаботи ҳифзи меҳнат ҷавобгӯ бошад; ҳуқуқ ба гирифтани маълумоти боэътимод дар бораи шароити кор; ҳуқуқи даст кашидан аз иҷрои кор дар ҳолати мавҷудияти хатар ба ҳаёт ва саломатии ӯ бинобар таъмин