19.7. Хароҷоти маблағҳо барои тандурустии кормандон ва аъзои оилаи онҳо, инчунин барои татбиқи дигар тадбирҳо, ки ба вазифа ва функцияҳои оид ба ҳифзи меҳнат ва тандурустии кормандон ва аъзои оилаи онҳо мувофиқ аст.

Аз ҳисоби маблағҳои суғуртаи давлатии иҷтимоии пардохтҳои вобаста ба тандурустии шахсони суғурташуда ва аъзои оилаи таҳти парасторӣ қарордоштаи онҳо (муолиҷаи санаторию курортӣ, ташкили фароғати кормандон ва аъзои оилаи онҳо, таъмини хӯроки парҳезӣ ва дигар тадбирҳои тандурустию пешгирикунанда), анҷом дода мешаванд. Хароҷоти ин маблағҳо бевосита дар корхонаҳо аз ҷониби мақомоти дахлдори намояндагӣ ба андоза ва тартиби муайяннамудаи Ҳукумати Ҷумҳурии Тоҷикистон сурат мегирад.

Маблағҳои мақомоти ваколатдор, инчунин барои тадбирҳои зайл равона карда мешаванд:

-барои ҳимояи ҳуқуқии аҳолӣ, таъминоти саҳми санаторию профилакторияҳо, лагерҳои тандрустӣ, қисман таъмин намудани штатҳои мактабҳои варзишии атфол ва ҷавонон, татбиқи дигар тадбирҳое, ки ба вазифаҳои ҳифзи меҳнат ва тандурустии кормандон ва аъзои оилаи онҳо марбутанд;

-маблағгузории хароҷот оид ба омодагии касбӣ, такмили ихтисос ва бозомӯзии бекорон, аз ҷумла пардохти стипендия, пардохти корҳои ҷамъиятӣ, таъсиси