БОБИ 20. ҲИМОЯИ ҲУҚУҚ ВА ОЗОДИҲОИ МЕҲНАТӢ, УСУЛҲОИ ҲИМОЯИ ҲУҚУҚ ВА ОЗОДИҲОИ МЕҲНАТӢ

20.1. Мафҳум ва усулҳои ҳимояи ҳуқуқ ва озодиҳои меҳнатӣ

Тибқи Конститутсияи Ҷумҳурии Тоҷикистон ҳимояи давлатии ҳуқуқу озодиҳои инсон ва шаҳрванд кафолат дода мешавад (қисми 3 моддаи 5). Ин муқаррароти заминӣ ва асосии конститутсионӣ тавассути принсипҳои асосии ҳуқуқи меҳнат ошкор ва зам карда мешаванд. Онҳо иборатанд аз:

• озодии меҳнат;

• манъи маҳдудсозии ҳуқуқи инсон ва шаҳрванд дар муносибатҳои меҳнатӣ;

• манъи табъиз, меҳнати маҷбурӣ ва истифодаи меҳнати занон ва ноболиғон дар корҳои вазнин, зеризаминӣ ва шароити меҳнаташон зарарнок;

• таъмини ҳуқуқ ба шароити меҳнати ҷавобгӯи талаботи қоидаҳои бехатарӣ ва гигиенӣ;

• афзалияти ҳаёт ва саломатии корманд нисбат ба натиҷаи фаъолияти истеҳсолӣ;

• таъмини ҳуқуқ ба музди мувофиқ барои меҳнат, на камтар аз андозаи ҳадди ақали музди меҳнат;

• таъмини ҳуқуқ ба истироҳат;

• баробарии ҳуқуқ ва имкониятҳои кормандон;

• таъмини ҳуқуқи кормандон ва корфармоён ба муттаҳидшавӣ барои ҳифзи ҳуқуқ ва манфиатҳои худ;

• кафолати таъминоти иҷтимоии кормандон;