УСТО ХУРШЕД

Гаҳвораи Зарнигор
Дорад сад нақшу нигор,
Нақши боғи пур аз гул,
Нақши лолаву сунбул.
Ҳатто дорад гаҳвора
Нақши маҳу ситора.
Онро сохт усто Хуршед
Аз чӯби дарахти бед.
Дар хонадони Шимо
Тифле ояд ба дунё,
Аз барои гаҳвора,
То нашавед овора
Тағоҷон, оед давон
Ба деҳи Боғи Майдон.
Номи ин устои зӯр
Дар деҳаи мо машҳур.
Усто Хуршед-дуредгар
Даҳ ангушташ — даҳ ҳунар,
Ӯ гаҳвора месозад,
Деҳа аз ӯ менозад.