ДАВОМИ УМРИ МОДАР

Орад ҳавойи намнок
Бар димоғам бӯйи хок.
Бӯяки хоки Ватан
Беҳ аз сад мушки Хутан.
Хоки Ватан дармонам,
Дармони дарди ҷонам.
Ба хирмани тило ҳам,
Ба садҳо боғи Ирам,
Ҳаргиз намедиҳам ман
Қабзаи хоки Ватан.
Зеро дар оғӯши хок,
Дар оғӯши хоки пок
Модарҷони ман хуфта,
Дарди дилаш ногуфта,
Модари Бедилхонам
Ҷони розаш медонам.
Давоми умри ӯям,
Мислаш ғазал мегӯям.