АФСОНА

Аз оинаи нилгун
Холаяки меҳрубон,
Ҳар шаб афсонаи нав
Гӯяд барои моён:

— Гурге дар беша мегашт
Гуруснаву хашмолуд,
Харгӯшбачаро хӯрда,
Пайи худро гум намуд.

Оҳ, бечора харгӯшак,
Харгӯшаки бечора,
Беҳуда ӯ ба бозӣ
Гардидааст овора.

Шояд ки очахаргӯш
То ҳол ӯро мекобад,
Ба умеде ки охир,
Харгӯшакро меёбад...

Нисфи шаб асту аммо
Хобӣ ман намеояд.
Пеши чашмам ҳар лаҳза
Афсона менамояд.