ЧАТРИ САРИ ЗАМИН

Маҳтоб агар намебуд,
Ҳаргиз намебуд чора
Як ваҷаби Заминро
Аз бориши ситора.

Мерабояд онҳоро
Монанди оҳанрабо,
Ба Замин норасида,
Маҳтоб аз сари роҳ.

Дар як шаб сад ситора
Аз осмон меафтад,
Чатри сари Замин аст
Маҳтоб аз ин фалокат.

ТИРАМОҲИ АСАЛМОҲ

Тирамоҳу наққошӣ,
Тирамоҳу рангпошӣ,
Тирамоҳу фаррошӣ
Дар боғу роғи лошӣ.

Тирамоҳи асалмоҳ,
Ҳафтаи иди асал,
Вақти сайри харбуза,
Ҳар кадуяш як бағал.