ЧАРО ТЮЛЕНҲО ШИНОВАРИ ХУБАНД?

Тюленҳо ҳайвони ширхӯри обӣ мебошанд. Болҳои боқувват ба онҳо имкон медиҳад, ки дар об хеле хуб шино намоянд. Тюленҳои гӯшдор, масалан, гурбаҳои обӣ, ҳангоми шиноварӣ бо дасту пои пешашон ҳаракат мекунанд. Тюленҳои аслӣ, масалан, шери баҳрӣ, фақат бо пойҳои ақибашон шино мекунанд.

ПОЙҲОИ ДЕЛФИНҲО БА ЧӢ ТАБДИЛ ЁФТАНД?

Авлоди делфинҳо дар замонҳои дури пайдоишашон ҷонварони панҷадор буданд. Вақте ки делфинҳо ба тарзи ҳаёти обӣ мутобиқ мегаштанд, пойҳои ақиби онҳо тадриҷан нест шуданд. Вале табиат онҳоро соҳиби думе гардонд, ки барои дар об тез шино кардани онҳо муҳим аст. Делфину наҳанг ҳангоми шино кардан думашонро чун моҳӣ аз як тараф ба тарафи дигар не, балки сӯи болову поён ҳаракат медиҳанд.