• Иллат дар ганда гуфтагиворе боз ин духтари сиёҳпича ҳар каса намегирад-да. Э, ҳар зӯровару пулдор омад, ки ҳисобаш гум. Бовар кунед, дар дӯшизагиаш ин қадар хостгор наомада буд.

• Қиро хуш карданӣ аст? — пурсид Исмоил.

• Ғайри золиму амалдору ҷоҳил. О, худатон медонед, ки айни ҳол ҳамин ду тоифа одамон афзоиш ёфтаанд.

• Намепурседаш марди олимро мегирад ё не?

• Не, лекин дар ин тобеот аз куҷо олими муҷаррад меёбам?

• Биё, Ҳалимаморо ба Ҳазрати Эшони Алааспа ба шавҳар медиҳем, Ҳазрати туксабо. Мо аз ҷониби он кас хостгорӣ омадем, Ҳазратро хуб мешиносӣ-ку? - гуфт бо хушҳолӣ Сафаралибой.

Хомӯшии кӯтоҳе ҳукмрон гашт.

• Аҷабо, кайҳо боз худам бо ин бузургвор роҳи хешиву пайвандӣ меҷӯстам. Дидед, нагуфтам, ки шумо бе мақсад наомадаед!

• Туксабо кори хайрро зуд анҷом деҳ, то комёб шавӣ, фармудаанд пайғамбарамон. Мо ду-се рӯз пас омада сунхорамонро мебарем, - арз кард Мулло Назар.

• Саросема нашавед, ҳоло Алқотуни пиракӣ ба аёдати хешовандон рафтагӣ. Биёед розигиашро мегирем, духтара ҳам мепурсем, шояд бо тӯи Давлатманд-бий як тӯй кунем.

• Мири Балҷувона мегӯӣ? Ӯ қиро хостгорӣ кардааст?

• Мир ба хоҳарам ошиқ шудааст,

• Мегӯм, Давлатмандбий ҳамон баччаи Мирзодавлати сариҳосорӣ аст? — пурсид Мулло Назар.

• Бале худи худаш, худораҳматии падарашро мешинохтам. Ин авлод ҳамаашон маҷнунвор сахт ва сидқан