Андак-андак ба ҳам шавад бисёр,
Дона-дона аст ғалла дар анбор.

ИНҚИЛОБИ СУРХ Ё ГАРДИШИ ФАЛАК

Ҳар сари мо бо қади хамгашта
мегӯяд ҳилол:
Гардиши айём моро дар ҷавонӣ пир
кард.

Шабро бобои Эшон ба зикри Худованд рӯз кард. Ба ёд меовард, ки чӣ гуна пешвои бани Исроил пайғамбари Худо Ҳазрати Мӯсо ба умеди дидори ҷамоли Худовандӣ ба кӯҳи Тур рафт, дар партави шӯълаи сӯзони ҷамоли илоҳӣ тоб نیاварду беҳуш шуд. Ба Расули Акрам низ китоби муқаддас «Қуръон»-и азимушшаъни осмонӣ дар шаб нозил шуд.
Ҳазрати пайғамбарро низ то Меъроҷ, ба боргоҳи Арши Аъло расониданд, то аз партави зоти Илоҳӣ нур гирад.
Ӯ рӯ ба саҷда мавҳиботи Ҳақ таъолоро металабид. Ӯро ҳаводиси сарнагун шудани амири Бухоро Олимхон, тоҷу тахти ӯ, истило шудани маркази ислому дин, шеъру шоирӣ аз тарафи аҷнабиён бағоят маҳзун сохт.

Тибқи каромат эҳсос менамуд, ки забонҳои ин оташ ганҷҳои дар тӯли садсолаҳо андӯхтаи бузургони ин марзу бумро ба комаш хоҳад кашид. Аз Худои таъоло раҳму шафқати бандагонашро таманно мекард, менолид. Бо садои ғайбӣ гуфтугӯ дошт:

• Дилтанг нашав, имон қавӣ дор, дар роҳу армонҳоят бебок бош.
• Ваҳии ту ба ман мадор мебахшад, эй рӯҳи бузург, мани пирро ҷавон месозад. Ишқи беҳамтои ту роҳи