Эй ту иди Ҷамшедӣ чашми ҷоми мо хандон,
В-эй баҳори Зартуштӣ Яшти иди мо бархон.

---

Ин омадане зи дуру ин рафтани дур,
Як лаҳза чароғдории кўчаи кўр.

---

Гулро менигарам:
– Замин дар ҷавонӣ Чӣ андешаи зебои хушбў дорад.
Меваи тирамоҳ мегазам:
– Замин ба чӣ андешаи ширини давлати пирӣ расида.
Ғизои андешаи замин шудан Дар андешаам ширин гул мекунад.

---

Ҳақиқат аз рўидан хаста нашуд
Дурўғ аз давидан.

---

Андеша аз офаридан боз намонд,
Дини заиф аз шаттоҳӣ
Виҷдони ношинохта аз оворагӣ.

---

Ҷанги дигарон фабрикаву тоза фунун зод,
Моро даҳани фабрикахўр рехт зи майдон.

---

Сари бозори сиёсат лаби ором маҷў,
Нони дандоншикани ин дукон умре гарм аст.

---

Ҷумъабозори сиёсат лату лут пур дорад,
Ранг молида ба ғавғои куҳан нав бизанад.

---

Байзаи ғурбат тавон бо як фишори дил шикаст,
Ҳукми шоҳи Ақл кам аз сарвазири Нафс нест.

---

Шикасти шишаи дил куҷо шунавад, ки намешунавад,
Шикасти яхзадаи булури нигоҳ дар таҳи пош.

---

Афгонаҳои батни шеъри бузургворон
Чун тифли комили худ то кай ба дўш дорем?!

---

Бозори ашк на дузд дорад, на харидор
Ин ҷиғда фаршшўиро кор наёмад...

---

Гургон бифизоянд, сагон гург бароянд,
Афзуд чу саг, гург сари кўҳ бигирад.

---

Андешаи замин зи минбари гул пар кушодааст,
Мардум зи чашму гўш, ў зи нафас дар кушодааст.

---

Нур дар зулмат бубину зулмат андар нур бин,
Кашфи асрори ҷаҳонро инчунин манзур бин.

---

Бо маҳалбозӣ маҳалро хўрдаанд,
Ин табибон бин касалро хўрдаанд.

---