роҳату ҳаловат намебахшид. Ӯ Боғи Муаллакро чун қароргоҳи шоҳӣ пазируфта, ҳамроҳи шаҳбону ва аҳли ҳарамаш дар оғӯши ин биҳишти адн фароғат мекард. Аз ин ҷост, ки баъдтар баъзе муаррихон Боғи Муаллакро иштибоҳан офаридаи шоҳаншоҳони Эрон шумурда, қабл аз ёдгории безаволи Тахти Ҷамшед ва нақши Рустам гузоштаанд.

Дар замони ҳукуматдории Дорои I сокинони Бобул ба яке аз шӯришҳои калонтарини муқобили шоҳони ҳаҳоманишӣ мусоидат ва сарварӣ намуданд. Дорои I шӯришро бераҳмона пахш карда, баъзе ёдгориву маъбадҳоро то ҷое валангор намуд.
Ҳукмронии форсҳо дар Бобул қариб дусад сол идома ёфт ва омезиши тамаддуну осори санъат дар тӯли ин солҳо давом кард.

Пас аз дусад сол Искандари Мақдунӣ Бобулро иҳота намуд ва барои забти шаҳр дар атрофи ҳисори дастнорас лашкари савораву пиёдаи бешуморе гирд овард. Ба ҷанги шадид ва хунрезиҳои тӯлонӣ ҳоҷате намонд, дар яке аз шабҳои тор сокинон аз ҷабру зулми форсҳо ба ҷон расидаи Бобул посбонҳоро дар ғафлат гузошта, дарвозаро ба рӯи лашкари Искандар кушоданд.

Волии Бобул ҳамроҳи писаронаш ба истиқболи Искандари
Мақдунӣ шитофт. Саррӯҳони ва рӯҳониёни дурӯя бо камоли
фурӯтанию ҳақирӣ чунон ки нисбати Куруши Кабир карда бу-

Забти Бобул аз ҷониби Искандари Мақдунӣ.
Мусаввараи Шарл Лебрён.