— Инҳо кирмҳои майда-чуйда, ҳоло кирмҳои калонкалон зиндаанд ва ба Давлати ҷавони Инқилоб таҳдид доранд. Аввало онҳоро сар кӯфтан лозим аст, — мегуфт Пӯлод ба бародаронаш Додоҷон ва Муҳаммадҷон.
Акнун ӯ ба воқеаҳои давр ба хубӣ сарфаҳм мерафт, дар байни хараҷу мараҷҳои беҳисоб роҳи худро мешинохт.
Пӯлод ва Додоҷон ба маркази сиёсӣ ва инқилоби онрӯза — ба шаҳри Қӯқанд омаданд. Соли 1918 буд.
Ҳаракати музаффаронаи Ҳокимияти Советҳо идома дошт. Ватанпарастон аз дохилу хориҷ бо тамоми қудрат ба пешрафти инқилоб монеӣ мекарданд. Дар ҷануб, дар хоки имрӯзаи Тоҷикистон, Туркманистон бо ёрии англисҳо отрядҳои зиёди ҳомиёни мулку мазҳаб ташкил шуда буданд. Фронти Закаспий яке аз ҷабҳаҳои асосӣ гашт. Бародарон Пӯлод ва Додоҷон дар Қӯқанд ба отряди Аскарони Сурх дохил шуданд. Пӯлод дар ҳамин отряд аъзои комсомол шуд. Онҳо ҳар ду ҷанговарони як отряд ба сӯи Закаспий равон шуданд.
Ҷангу ҷадалҳои шадид дар Қизил Арвот ва Қазончӣ мардонагӣ ва кордонии Пӯлодро дар пеши назари фармондеҳон ва ҳамсафон равшан карданд. Махсусан, ҷанги назди Қазончӣ яке аз муҳорибаҳои калонтарине буд, ки Пӯлод дар он иштирок дошт. Ҳар ду тараф ҳам талафоти зиёде доданд. Аммо муҳорибаи Қазончӣ натиҷаи ҷангро комилан ҳал кард. Ватанпарастон аз чӯли Қароқум пас гашта дар Красноводск мустаҳкам шуданд. Танкҳо, тӯпҳо ва киштиҳои англисӣ ин шаҳрро ба истеҳкоми мудҳиш табдил дода буданд.

---

Соли 1922 дар зодгоҳи Пӯлод ва деҳаҳои гирду атрофи он дастаҳои мусаллаҳи Раҳмонқул-қӯрбошӣ ҳукмравоӣ мекарданд.
Пӯлод акнун чун командири пуртаҷриба ва обутобдида бо дастаи на чандон сершумори худ деҳаи Шаҳи