Г — суръати афзоиши гардиши мол,
Х — суръати афзоиши хароҷоти муомилот,
Ф — суръати афзоиши таъмини кормандон бо фондҳо,
Қ — суръати афзоиши теъдоди кормандон.
Зарибҳои ин ё он нишондиҳанда тариқи ҳисобкунии таносуби онҳо муайян карда мешаванд. Рушди фаъоли корхонаи тиҷоратӣ метавонад на танҳо бо афзоиши гардиши мол ва фондҳо, балки бо болоравии ҳосилнокии меҳнати кормандони тиҷоратӣ, афзоиши сармоя рӯй диҳад.

Коҳишёбии хароҷоти муомилот дар савдои чакана ба камшавии хароҷоти музди меҳнат ва пардохтҳои иҷтимоии марбути он вобастагӣ дорад. Беҳтар аст, ки самараи афзоиши хароҷоти музди меҳнат бояд зудтар аз ҳаҷми пардохти музд афзояд.

Ҳаҷми фондҳо дар савдо аз тақозо ба мол ва арзаи он вобастагӣ дорад. Мушкилоте, ки ҳангоми фурӯши молҳо дар шакли коҳишёбии тақозо ба онҳо ба миён меоянд, метавонанд боиси коҳишёбии даромади умумӣ аз фурӯши мол ва ҳам фондҳои умумӣ шаванд. Натиҷаи таносуби тақозо ва арза дар бозор нархҳои чакана мебошанд.

Фондҳо қисме аз даромади соф аст, ки бевосита субъектҳои хоҷагидорӣ пас аз фурӯши маҳсулот ба даст меоварад. Танҳо пас аз фурӯши маҳсулот даромади соф шакли фондҳоро мегирад. Аз лиҳози миқдор он фарқи байни маблағи софи фурӯш (пас аз супоридани андоз аз арзиши иловашуда, андози аксиз ва пардохтҳои дигар аз маблағи фурӯш ба буҷет ва фондҳои ғайрибуҷетӣ) ва арзиши аслии пурраи маҳсулоти фурӯхташуда мебошад. Яъне, ҳар қадар корхона бештар маҳсулоти фондавар фурӯшад, ҳамон андоза фондҳо бештар мегирад, ҳамон қадар ҳолати молиявиаш беҳтар мешавад. Барои ҳамин, натиҷаҳои молиявиро дар робитаи наздик бо истифода ва фурӯши маҳсулот мавриди омӯзиш қарор бояд дод.

6.3. Мазмун ва усулҳои таҳлили фондҳо

Натиҷаи ниҳоии молиявии фаъолияти хоҷагидории корхона (ширкат, фирма) фоида мебошад. Он қисми амалишудаи даромади соф аст, ки тавассути меҳнати изофа ба вуҷуд омадааст. Аҳамияти фоида аз ин бармеояд, ки аз як тараф, он асосан аз сифати кори корхона вобаста аст, манфиатдории иқтисодии кормандонро ба истифодаи самараноктари захираҳо баланд мекунад, зеро фоида манбаъи асосии рушди истеҳсолӣ ва иҷтимоии корхона мебошад.