Чигунагии сатҳи тафаккури сармоягузори соҳибмулкон, мудирон ва менеҷерҳои молиявии корхона?

Сатҳи дониши менеҷерҳои молиявӣ (маълумотнокӣ ва бохабарии онҳо) дар бораи тағйироти ояндаи унсурҳои асосии муҳити берунаи сармоягузорӣ.

Миқдори захираҳои сармоягузории ташкилот, имконияти дурнамои ташаккули онҳо, таъмини ҳимояи зиддитаваррумии онҳо дар раванди ҷамъшавӣ.

Мувофиқати сатҳи фаъолнокии сармоягузорӣ ба талаботи ҷорӣ ва дурнамои рушди ташкилот, то кадом андоза истифода шудани иқтидори он.

Дар корхона вуҷуд доштан ё надоштани концепсияи сармоягузорӣ дар шакли ҳадаф, стратегияи умумӣ, низоми меъёрҳои стратегияи рушд ва ғайра. Сатҳи тақсимшавии ин концепсияи стратегӣ ба сохторҳои хоҷагидории алоҳида.

Дараҷаи самаранокии низоми дар корхона амалкунандаи таҳлили сармоягузорӣ, банақшагирӣ ва назорат; сатҳи мутобиқати онҳо ба ҳалли вазифаҳои стратегӣ.

Мавҷудияти сохтори ташкилии идораи фаъолияти сармоягузории корхона ва вазифаҳои рушди дурнамои он. Сатҳи фарҳанги сармоягузории ташкилот, алоқамандии он бо фарҳанги умумии ташкилот.

Таҳияи стратегияи сармоягузорӣ дар таъмини рушди босамари ташкилот нақши калон мебозад. Аҳамияти ин нақш дар он таҷассум меёбад, ки:

• Стратегияи таҳияшудаи сармоягузорӣ механизми амалигардонии мақсадҳои дарозмуҳлати умумӣ ва сармоягузории рушди ояндаи иқтисодию иҷтимоии корхона ва воҳидҳои сохтории алоҳидаи онро таъмин мекунад.

Он барои воқеан арзёбӣ кардани иқтидори сармоягузории ташкилот, таъмини тавоноии дохилии сармоягузории он ва ба самтҳо равона кардани сармоягузориҳо имкон медиҳад.

Таҳияи стратегияи сармоягузорӣ имконияти зуд амалӣ шудани иқтидороти нави сармоягузориро, ки дар рафти дигаргуниҳои шадиди омилҳои муҳити берунаи сармоягузорӣ ба миён меоянд, таъмин мекунад.

Таҳияи стратегияи сармоягузорӣ вариантҳои пешакӣ маълумшудаи рушди омилҳои назоратнашавандаи муҳити берунаи