-ҳисоббаробаркунии маҷмӯи нақшавии андозҳое, ки аз ҳисоби фонду супорида мешаванд (ва ба нархи маҳсулот илова карда мешаванд);
-ҳисоббаробаркунии маҷмӯи нақшавии хароҷоти маблағҳои пулӣ аз фаъолияти амалӣ;
-ҳисоббаробаркунии маҷмӯи нақшавии воридоти софи пулӣ.

Таҳияи тавозуни пешгӯӣ. Нақшаи тавозун натиҷаҳои пешгӯии таркиби активҳо ва сохтори воситаҳои молиявии истифодашавандаи корхонаро барои охири давраи банақшагирӣ инъикос мекунад.

Мақсади таҳияи тавозуни пешгӯӣ аз муайян намудани афзоиши зарурии активҳои алоҳида бо таъмини тавозуни дохилии онҳо, инчунин ташаккули сохтори беҳтари сармоя иборат аст, ки устувории кофии корхонаро дар давраи дарпешистода таъмин мекунад.

Ҳангоми таҳияи нақшаи тавозун нақшаи калоншудаи моддаҳои тавозуни корхона истифода бурда мешавад.

Аҳамияти нақшаи молиявӣ дар корхона аз ин иборат аст, ки нақшаи мазкур:
• ҳадафҳоеро дар бар мегирад, ки корхона мувофиқи онҳо амал хоҳад кард;
• барои муайян намудани бақои лоиҳа дар шароити рақобат имкон медиҳад;
• чун василаи муҳими таъмини дастгирии молиявӣ аз ҷониби сармоягузорони берунӣ хизмат мекунад.

Чун қоида, банақшагирии кӯтоҳмуҳлат ва дарозмуҳлатро аз ҳамдигар фарқ мекунанд. Аҳамияти баъзе аз қарорҳои қабулшаванда ба муддати ниҳоят дурудароз паҳн мешавад. Ин, масалан, ба қарорҳо дар соҳаҳое монанди бадастоварии унсурҳои сармояи асосӣ, сиёсати кадрӣ, муайянкунии навъҳои маҳсулоти тавлидшаванда дахл дорад. Чунин қарорҳо фаъолияти корхонаро пешакӣ барои якчанд соли оянда муайян мекунанд ва бояд дар нақшаҳо (буҷетҳо)-и дарозмуддат инъикос ёбанд. Дар чунин нақшаҳо дараҷаи шарҳдиҳӣ одатан чандон баланд нест. Нақшаҳои дарозмуҳлат бояд ҳамчун сохтор тартиб дода шаванд, ки аз нақшаҳои кӯтоҳмуҳлат иборат мебошанд.

Асосан дар корхонаҳо банақшагирии кӯтоҳмуҳлат барои давраи
баробар ба як сол истифода мешавад. Сабабаш ин аст, ки тибқи