ШЕЪР,
ЭЙ ЧАШМАИ
ҒАМҲОИ ДИЛАМ...

Шаби борониву танҳоии ман,
Чист дар қисмати фардоии ман?
Дили бемори маро нашносад
Ёри ҳарҷоии савдоии ман.

Рӯзгорам ҳама филми туркист
Ваҳ, чӣ оганда фазои ин ҷост,
Шаҳр бечораи ғамҳои худаш
Кай бидонад чӣ ҳавое ин ҷост.

Омадам деҳ, ки даме осоям
Деҳаву шаҳр чӣ фарқе дорад —
Қатра-қатра ҳама ҷо ин борон
Дарду ғамҳои маро меборад...

Шеър, эй чашмаи ғамҳои дилам,
Ман чӣ сон аз худу ту безорам.
Ғам биорӣ ба дилам пайваста,
Зери бори ғами ту ночорам...