АШКИ ХУДО...

Боз ин шаб шаҳр боронист,
Гиряҳояш гӯиё панд аст.
Балки борон нест, эй мардум,
Ашки чашмони Худованд аст.

Оҳ, борон мезанад имшаб,
Шаҳр зери об мемонад,
Лек дардо, боз, эй инсон,
Чашми ту дар хоб мемонад...

Мечакад борон зи гардунҳо,
Мечакад борон ба бому дар.
Ҳамчу тоқи осмон гарданд,
Тоқҳои дидаи ман тар...

Боз ин шаб шаҳр боронист,
Гиряҳояш гӯиё панд аст.
Балки борон нест, эй мардум,
Ашки чашмони Худованд аст...