ГУНАҲ...

Модар маро бубахш, ки рафтам пайи ҳавас.
Будам ҷавону бехабар аз дарду ранҷи роҳ.
Оре рафиқи нимараҳе буд ёру монд,
Як духтаре миёни раҳу як бағал гуноҳ...

Эй рӯди поки умр, ки дарёи ғам шудӣ,
Ҳар шеъру байту ҳарфу ҳиҷоям барои туст,
Лабхандаи дурӯғи маро дарк мекунӣ,
Эй модаре, ки хотираҳоям садои туст?

Ишқу ҳаёву фосилаҳову сукуту ғам...
Оре, падар зи рафтанам он лаҳза қаҳр дошт,
Модар маро бубахш, ки ашки ту рехтам.
Шаҳде ба номи ишқ бихӯрдам, ки заҳр дошт....