Девона шуданд кавгбозон,
Навбат ба ман аст, месарояд!
Ҳе, вақти шикори ӯ расидаст,
Фарёд чияст? Месарояд!
Ӯ кавгаки масти масти маст аст,
Сайёд кияст? Месарояд!
Ӯ масти майи тарона хушрӯст,
Хуш май чӣ задаст, месарояд!
Хушрӯ, ба Худо, шудаст масте,
Хушрӯй шудаст, месарояд!
Ҳе, масти навои нози ширин
Ширин даҳан аст, месарояд!
Ширинсуханон даҳан бубастанд,
Шириндаҳан аст, месарояд!
Шириндаҳанон, даҳони хушрӯш
Ширини бад аст, месарояд!
Куштаст ҳазор бенаворо,
Навбат ба ман аст, месарояд!
Хубон бираванд даста-даста
Бар сар зада даст, месарояд!
Эй бехабарон, чӣ месароед?
Ӯ аз чӣ кам аст? Месарояд!
Эй тангдилон, хӯред худро,
Ӯро чӣ ғам аст? Месарояд!
Эй беҳунарон, сафи шуморо
Додаст шикаст, месарояд!
Дунёталабони дун, бубинед:
Дунёра задаст, месарояд!!!

Фарёд зи дастат, эй замона

Фарёд зи дастат, эй замона,
Дасте нашикастат, эй замона.
Бар гардани мардумон нишастӣ,
Ту гардани мардумон шикастӣ.
Эй дода маро ҳазор озор,
Безор шудам, маро маёзор!