Мақомоти давлатӣ ё мақомоти иҷроияи маҳалии ҳокимияти давлатӣ дар сатҳи дахлдор дар он ҳолатҳое, ки онҳо ҳамчун корфармо баромад мекунанд ё дар ҳолатҳое, ки қонунгузории меҳнат бевосита пешбинӣ намудааст, шарики иҷтимоӣ мебошанд. Ин метавонад ба зарурати ҳамоҳангсозии танзими шартномаҳои коллективӣ дар муносибатҳои иҷтимоӣ ва меҳнатӣ дар сатҳҳои гуногуни он вобаста бошад. Масалан, иштироки Ҳукумати Ҷумҳурии Тоҷикистон дар Созишномаи генералии байни Ҳукумати Ҷумҳурии Тоҷикистон, Федератсияи иттифоқҳои касабаи мустақили Тоҷикистон ва Иттиҳодияи корфармоёни Тоҷикистон, ки як мақоми доимӣ мебошад (ниг. моддаи 301 КМ ҶТ) бояд ҳамчун шахси сеюм дар муносибатҳои шарикии иҷтимоӣ баррасӣ карда шавад.

Ҳамин тариқ, ҳамкории тарафҳои шарикии иҷтимоӣ ва намояндагони онҳо вобаста ба шакл ва шумораи тарафҳое, ки шартнома (созишнома) мебанданд - дар асоси дуҷониба ё сеҷониба сурат мегирад. Ҳангоми бастани шартномаи коллективӣ муносибатҳои дуҷониба ба миён меоянд ва ҳангоми бастани созишнома бошад муносибатҳои дуҷониба ё сеҷониба вуҷуд дошта метавонанд.

Дар сатҳи ташкилот ё соҳибкори инфиродӣ байни корфармо ва кормандон шартномаи коллективӣ баста мешавад, ки муносибатҳои иҷтимоӣ ва меҳнатии онҳоро ба танзим медарорад. Дар натиҷаи бастани шартномаи коллективӣ он манфиатҳои кормандон ва корфармо (ташкилот ё соҳибкори инфиродӣ) - шарикони иҷтимоиро