Намояндагони корфармоён дар сатҳи ташкилот ҳангоми гуфтушунидҳои коллективӣ, бастан ё тағйир додани шартномаи коллективӣ, инчунин ҳангоми баррасӣ ва ҳалли баҳсҳои меҳнатӣ роҳбарони ташкилот, корфармо-соҳибкори инфиродӣ (шахсан) ё шахсони ваколатдори онҳо мутобиқи КМ ҶТ ва дигар қонунҳо мебошанд. Дар ҳама сатҳҳои дигари шарикии иҷтимоӣ манфиатҳои корфармоён аз ҷониби иттиҳодияҳои корфармоён намояндагӣ мешавад, ки онҳоро корфармоён дар асоси ихтиёрӣ барои намояндагӣ кардани манфиатҳояшон ва ҳимояи ҳуқуқҳои аъзои худ дар муносибат бо иттифоқҳои касаба, мақомоти давлатӣ ва мақомоти иҷроияи маҳаллии ҳокимияти давлатӣ интихоб мекунанд.

Иттиҳодияҳои корфармоён дар гуфтушунидҳои коллективӣ, ки дар сатҳҳои гуногун ва инчунин дар сатҳи маҳаллӣ дар бастан ё ислоҳи созишномаҳо баргузор мешаванд, ширкат мекунанд. Онҳо манфиатҳои аъзои худро дар ташаккул ва татбиқи фаъолияти комиссияҳои танзими муносибатҳои иҷтимоию меҳнатӣ намояндагӣ мекунанд.

Иттиҳодияи корфармоён танҳо вазифаҳои намояндагиро иҷро мекунад ва барои иҷрои уҳдадориҳои корфармоён масъул нест, гарчанде ки амали иттиҳодия метавонад барои аъзои онҳо оқибатҳои дигарро ба бор оварад.

Намояндагони корфармоён - ташкилотҳои давлатӣ ва дигар муассисаҳое, ки аз буҷети дахлдор маблағгузорӣ