тиҷоратӣ ва ғайра) паҳн кунанд, дар акси ҳол онҳо ба ҷавобгарии интизомӣ, маъмурӣ ва ҷиноятӣ кашида мешаванд. Масъалаҳои дигар, ба монанди вақт, ҷой ва тартиби гузаронидани музокироти коллективиро намояндагони тарафҳо, ки иштирокчиёни музокироти коллективӣ мебошанд, метавонанд муайян кунанд.

Ҳамаи ашхосе, ки дар гуфтушунидҳои коллективӣ иштирок мекунанд, дорои кафолатҳо ва ҷубронҳое мебошанд, ки дар қонун муқаррар шудаанд. Онҳо бо нигоҳ доштани ҷои кор ва музди миёнаи корашон аз кори асосӣ озод карда мешаванд, вале ба муҳлати на зиёда аз се моҳ. Ҳама хароҷоти вобаста ба гуфтушунидҳои коллективӣ бо тартиби муқаррарнамудаи қонунгузории меҳнат ва шартномаи коллективӣ ҷуброн карда мешаванд.

Вақте ки мутахассисон ва миёнаравон ба гуфтушунидҳои коллективӣ ҷалб карда мешаванд, пардохти ҳаққи хизмат аз ҷониби даъваткунанда анҷом дода мешавад, агар дар шартномаи коллективӣ ё созишнома тартиби дигаре муайян нашуда бошад.

Намояндагони кормандоне, ки дар гуфтушунидҳои коллективӣ иштирок мекунанд, дар тӯли гуфтушунидҳо ҷазо дода намешаванд, онҳоро ба кори дигар гузаронидан ё бо ташаббуси корфармо аз кор озод кардан мумкин нест.

5.4 Шартномаи коллективӣ ва моҳияти он

Шартномаи коллективӣ санади ҳуқуқие мебошад, ки аз ҷониби кормандон ва корфармо дар шахси