давомнокии кор дар арафаи рӯзи истироҳат аз панҷ соат зиёд буда наметавонад.

Ҳангоми кори шабона (аз соати 22 шаб то соати 6 саҳар) давомнокии вақти корӣ (баст) бидуни кори иловагии минбаъда як соат кам карда мешавад. Аммо, ин қоида нисбати кормандоне, ки махсус барои кори шабона киро карда шудаанд, татбиқ намегардад, агар дар шартномаи коллективӣ тартиби дигаре пешбинӣ нашуда бошад. Ҳамзамон, ҷалби баъзе категорияҳои кормандон ба кори шабона манъ шудааст ва ё тартиби махсуси ҷалби онҳо пешбинӣ шудааст (моддаи 77 КМ ҶТ).

Кӯтоҳ кардани вақти корӣ барои ҳамаи ҳолатҳои дар боло овардашуда меъёраст, ки кам кардани музди меҳнатро ба бор намеорад.

Намуди сеюми вақти корӣ ин вақти кории нопурра мебошад. Вақти кории нопурра ин давомнокии вақти кории ҳаҷмаш камтар нисбат ба музди меҳнати мутаносибан ба вақти кории иҷрошуда мебошад, ки бо мувофиқаи тарафҳо муқаррар карда шуда, дар шартномаи меҳнатӣ бо корманд сабт шудааст.

Мафҳуми вақти кории нопурра ҳам рӯзи кории нопурра ва ҳам ҳафтаи кории нопурраро дар бар мегирад, яъне метавонад муқаррар карда шавад:

• рӯзи кории нопурра — кам кардани давомнокии кори ҳаррӯза (баст) ба миқдори муайяни соатҳои корӣ дар тамоми рӯзҳои ҳафтаи корӣ;

• ҳафтаи кории нопурра — кам кардани шумораи рӯзҳои корӣ дар ҳафта ҳангоми нигоҳ доштани давомнокии муқаррарии кори ҳаррӯза (баст);