• 21-24 март - Иди байналмилалии Наврӯз;
• 9 май - Рӯзи Ғалаба дар Ҷанги Бузурги Ватанӣ;
• 27 июн - Рӯзи Ваҳдати миллӣ;
• 9 сентябр - Рӯзи Истиқлолияти давлатии Ҷумҳурии Тоҷикистон;
• 6 ноябр - Рӯзи Конститутсияи Ҷумҳурии Тоҷикистон;
• Рӯзи иди Рамазон - ҳар сол дар рӯзе, ки аз тарафи мақоми ваколатдори давлатӣ оид ба корҳои дин муқаррар карда мешавад;
• Рӯзи иди Қурбон - ҳар сол дар рӯзе, ки аз тарафи мақоми ваколатдори давлатӣ оид ба корҳои дин муқаррар карда мешавад.

Ба ғайр аз рӯзҳои муқарраршудаи ғайрикорӣ, боз идҳои касбӣ мавҷуданд (Рӯзи кормандони мақомоти адлия, Рӯзи омӯзгорон, Рӯзи кормандони соҳаи мошинсозӣ ва ғ.), ки онҳо мувофиқи тақвим ба рӯзҳои истироҳат рост меоянд.

Бо мақсади истифодаи оқилонаи рӯзҳои истироҳат ва ғайрикорӣ аз ҷониби кормандон рӯзҳои истироҳат метавонанд бо қарори Ҳукумати ҶТ ба рӯзҳои дигар гузаронида шаванд. Дар ин ҳолат, одатан санади меъёрии ҳуқуқии Ҳукумати ҶТ дар бораи гузаронидани рӯзҳои истироҳат ба рӯзҳои дигари соли тақвимии навбатӣ бояд на дертар аз як моҳи пеш аз оғози соли тақвимии дахлдор нашр карда шавад. Қабули санадҳои меъёрии ҳуқуқии Ҳукумати ҶТ оид ба гузаронидани рӯзҳои истироҳат ба рӯзҳои дигар дар давоми соли тақвимӣ иҷозат дода мешавад. Одатан ин санадҳо на дертар аз ду моҳи пеш аз