кормандон супоришҳои бамеъёр гирифташуда, барои иҷрои уҳдадориҳои ҷудогона ва ҳаҷми кор бошад, меъёрҳои хизматрасонӣ ё меъёри шумораи кормандонро муқаррар намояд.

12.2. Хусусиятҳои танзими бамеъёргирии меҳнат

Бо мақсади таъмини ҳуқуқу манфиатҳои кормандон ва риояи принсипи музди баробар барои кори баробарарзиш дар муносибатҳои меҳнатӣ тибқи КМ ҶТ тартиби пешниҳод, баррасӣ ва мувофиқа намудани меъёрҳои меҳнат дар ташкилот, новобаста аз шакли ташкилию ҳуқуқӣ барои хизматрасонӣ (мол, кор), ки тавассути он танзими давлатии тарафаҳо (нархҳо, ҳаҷми пардохтҳо) ҷорӣ мегарданд, аз ҷониби мақомоти ваколатдори давлатӣ дар соҳаи меҳнат ва шуғли аҳолӣ муқаррар карда мешаванд. Барои корҳои якхела меъёрҳои намунавӣ кор карда шуда, ҷорӣ карда мешаванд. Зимни коркард ва ҷорӣ намудани меъёрҳои локалии меҳнат, бояд меъёрҳои намунавӣ ба инобат гирифта шаванд (моддаи 136).

Меъёрҳои меҳнат бояд бо назардошти омилҳои асосноки техникӣ ва иҷтимоӣ муқаррар карда шаванд.

Асоснокунии техникӣ ифодагари истифодабарии оқилона ва самараноки техника, таҷҳизот, асбобҳо ва усулҳои технологии иҷроиши амалиётҳо мебошад. Ба омилҳои техникӣ хусусиятҳои ҷараёни технологӣ, таҷҳизотҳо, асбобҳо, талаботҳои техникӣ ба сифати маҳсулот ва ғайра дохил мешаванд, ки бо онҳо меъёрҳои меҳнат пайванди ногусастанӣ доранд, зеро, ки