-дар ҳолатҳои дигаре, ки КМ ҶТ ва дигар қонунҳо пешбинӣ кардаанд.

Бояд ба инобат гирифт, ки намудҳои кафолатҳо ва ҷубронҳо бо рӯйхати дар боло зикршуда маҳдуд нестанд, зеро ҳуқуқ ба дигар кафолату ҷубронҳо дар ҳолатҳои гуногун дар аксари бобҳои КМ ҶТ пешбинӣ шудаанд. Аз ин рӯ, дар ин китоби дарсӣ кафолатҳо ва ҷубронпулӣ ба кормандон вобаста ба қатъи шартномаи меҳнатӣ дар боби 7 "Шартномаи меҳнатӣ" кафолатҳо ва ҷубронпулӣ ба кормандон ҳангоми иҷрои вазифаҳои давлатӣ ё ҷамъиятии онҳо нисбат ба мақомоти иттифоқҳои касаба мутаносибан дар баҳшҳои шарикии иҷтимоӣ ва тартиби баррасии баҳсҳои меҳнатии инфиродӣ ва ғайра баррасӣ карда мешаванд. Намудҳои дигари кафолатҳо ва ҷубронҳо дар алоқамандии зич бо меъёрҳои марбут ба музди меҳнат оварда мешаванд.

Ҳангоми пешниҳоди кафолатҳо ва ҷубронҳо пардохтҳои дахлдор аз ҳисоби корфармо пардохта мешаванд. Агар корманд ба манфиати ягон мақомот ё ташкилот вазифаҳои давлатӣ ё ҷамъиятиро иҷро кунад (ҳакамон, донорҳо ва ғайра), пас ин мақомот ё ташкилотҳо ба корманд ҷубронпулиро тибқи тартиб ва шартҳои пешбининамудаи КМ ҶТ, қонунҳо ва дигар санадҳои меъёрии ҳуқуқӣ анҷом медиҳанд. Дар ин ҳолатҳо, корфармо кормандро аз кори асосӣ дар давраи иҷрои вазифаҳои давлатӣ ё ҷамъиятӣ озод мекунад.