дошта шуд, аммо қисми умумӣ ва дигар бахшҳои Кодекси меҳнати Ҷумҳурии Тоҷикистон ҳоло маҷмӯи меъёрҳоеро дар бар мегиранд, ки қаблан вуҷуд надоштанд ё хеле кам буданд. Баръакси Кодекси меҳнати қаблӣ (аз соли 1997) дар Кодекси меҳнати амалкунанда масъалаҳои зиёди меҳнат, ки қаблан аз доираи танзим берун буданд, фаро гирифта шудаанд.

Ҳамин тариқ, фасли якуми Кодекси меҳнати Ҷумҳурии Тоҷикистон «Муқаррароти умумӣ»-ро дар бар мегирад. Дар он шарҳи мафҳумҳои асосӣ, таснифи қонунгузории Ҷумҳурии Тоҷикистон оид ба меҳнат, вазифаҳо, принсипҳои қонунгузории меҳнат, ҳуқуқу озодиҳои шаҳрвандон ба меҳнат, доираи амали Кодекси меҳнат, таснифи санадҳои корфармо, мазмуну мундариҷаи шартномаи меҳнатӣ, созишнома ва шартномаҳои коллективии тарафҳои шарикии иҷтимоӣ, таносуби танзими қонунӣ ва шартномавии муносибатҳои меҳнатӣ, тартиби мувофиқасозии лоиҳаи санадҳои корфармо бо намояндагони кормандон ва ҳисобкунии мӯҳлатҳои дар Кодекси меҳнат муқарраршуда пурра танзим шудаанд.

Фасли дуюми Кодекси ба танзими муносибатҳои меҳнатӣ, субъектони муносибатҳои меҳнатӣ, асосҳои ба вуҷуд омадани муносибатҳои меҳнатӣ, шартномаи меҳнатӣ, ҷамъоварӣ, коркард ва ҳифзи маълумотҳои шахсии корманд, қоидаҳои тартиботи дохилии меҳнатӣ, интизоми меҳнат, вақти корӣ, вақти истироҳат, тайёрии касбӣ, аз навтайёркунӣ, такмили ихтисос ва таҷрибаомӯзии кормандон, бакортаъминкунӣ,