қонеъ гардонидани талабот ё рад кардани талабот дарҷ карда мешавад. Аз рӯи талаботҳои пулӣ бояд маблағи мушаххасе нишон дода шавад, масалан маблағе, ки ба фоидаи корманд пардохта мешавад ё маблағе, ки аз корманд ҷиҳати баргардонидани зарари моддии ба корфармо расонидашуда, ситонида мешавад. Агар мақоми баррасии баҳси меҳнатии инфиродӣ талаботҳои pulii кормандро асоснок эътироф кунад, онҳо пурра қонеъ карда мешаванд.

Дар моддаи 206 КМ ҶТ оқибатҳои қабули қарорҳо оид ба баҳсҳои меҳнатӣ дар бораи аз кор озод кардан ва ба кори дигар гузаронидан муайян шудаанд. Агар аз кор озод кардан ё ба кори дигар гузаронидани корманд ғайриқонунӣ эътироф карда шавад, ӯ бояд ба кори пешинааш барқарор карда шавад (қисми 1 моддаи 206 КМ ҶТ).

Бояд қайд кард, ки ҳангоми қабули чунин қарор, мақомоти баррасии баҳсҳои меҳнатии фардӣ дар як вақт қарор мекунад, ки ба корманде, ки ба кори пештара барқарор карда шудааст, музди миёнаи моҳонааш барои ҳамаи давраи ноилоҷ ба кор набаромаданаш (аз кор дур карданаш) ё фарқияти музди меҳнаташ барои давраи иҷрои корҳои каммузд пардохташавад (қисми 2 моддаи 206 КМҶТ).

Мумкин аст, ки аз ҷониби суд, бо дархости корманд, ки ӯ намехоҳад кори қаблиашро дар корфармо идома диҳад, қарори дигар бароварда шавад, масалан танҳо дар бораи ситонидани маблағҳои зикршуда ба манфиати корманд.