ва мақомоти оштӣ уҳдадоранд, ки барои рафъи сабабу ҳолатҳое, ки боиси баҳси меҳнатии коллективӣ гардидаанд, тамоми имкониятҳоро истифода намоянд.

Агар комиссияи оштӣ ва арбитражи меҳнатӣ ихтилофи тарафҳоро ҳал карда натавонанд, сабабҳои онро ба коллективи меҳнатӣ, иттифоқи касаба ё дигар намояндагони кормандон навишта мефиристанд. Дар ин ҳолат, коллективи меҳнатӣ, иттифоқи касаба ё дигар намояндагони кормандон ҳуқуқ доранд барои иҷрои талабҳое, ки мувофиқи моддаи 318 КМ ҶТ ба миён гузошта шудаанд, аз тамоми воситаҳои пешбиникардаи қонунгузории Ҷумҳурии Тоҷикистон то ҳадди пурра ё қисман қатъ кардани кор (ба кор набаромадан, иҷро накардани уҳдадориҳои меҳнатӣ) дар ташкилот, муассиса, инчунин баргузор намудани корпартой истифода баранд.

17.4. Ҳуқуқ ба корпартой ва тартиби гузаронидани он

Ҳуқуқ ба корпартой яке аз ҳуқуқҳои асосии иҷтимоии корманд маҳсуб меёбад. Моддаи 323 КМ ҶТ корпарроиро ҳамчун воситаи ҳалли баҳси меҳнатии коллективӣ тавсиф мекунад. Аммо, дар тафовут аз расмиёти мусолиҳа, ки асосан ба машварату гуфтушунидҳои тарафайн асос ёфтааст, корпартой муваққатан даст кашидани кормандон аз иҷрои вазифаҳои меҳнатии худ (пурра ё қисман) ба ҳисоб меравад.

Ҳуқуқи кормандон ба корпартой аз ҷониби онҳо танҳо дар асоси ихтиёрӣ амалӣ карда мешавад. Қисми 1 моддаи 324 КМ ҶТ ҳам бевосита ва ҳам бавосита