мешавад, аҳамияти калон дорад. Ташхиси шароити меҳнат бо мақсадҳои зерин гузаронида мешавад:

• назорати шароит ва ҳифзи меҳнат;
• муайянсозии сифати гузаронидани аттестатсияи ҷойҳои корӣ аз рӯи шароити меҳнат;
• саҳеҳияти пардохти ҷубронпулӣ барои корҳои вазнин ва корҳои дорои шароити хатарнок ё зарарноки меҳнат;
• омода намудани таклифҳо дар бораи дохил кардани ташкилот ба гурӯҳи хатарноки касбӣ, мутобиқи натиҷаҳои сертификатсияи корҳо оид ба ҳифзи меҳнат дар ташкилотҳо.

Хулосаи ташхиси шароити меҳнат барои аз тарафи суд баррасӣ гардидани масъала дар бораи барҳам додани ташкилот ё сохтори он дар мавриди ошко шудани вайронкунии талаботи ҳифзи меҳнат, асоси воқеӣ мебошад. Ташхиси шароити меҳнат дар ҷойҳои корӣ ҳангоми лоиҳакашии сохтмон ва таҷдиди иншоотҳои истеҳсолӣ, ҳангоми иҷозатномадиҳӣ ба баъзе намудҳои фаъолият, инчунин бо дархости мақомоти судӣ, мақомоти идоракунии ҳифзи меҳнат, корфармоён, иттиҳодияҳои корфармоён, кормандон, иттифоқҳои касаба, иттиҳодияҳои онҳо ва дигар намояндагони кормандон ба амал бароварда мешавад.

Дар ташкили ҳифзи меҳнат ва таъмини талаботи давлатӣ оид ба ҳифзи меҳнат, хадамот (шӯъбаҳо) оид ба ҳифзи меҳнат, ки корфармоён бо тартиби муқаррарнамудаи моддаи 355 КМ ҶТ таъсис медиҳанд, нақши муҳим доранд. Мутобиқи ин меъёр, дар ташкилотҳое, ки зиёда аз 50 нафар корманд доранд, хадамоти ҳифзи меҳнат дар