18.5. Меъёрҳои махсус оид ба ҳифзи меҳнати занон,
ноболиғон ва маъюбон

Тибқи Конститутсияи Ҷумҳурии Тоҷикистон мардон ва занон баробарҳуқуқанд ва имкониятҳои баробари татбиқи онҳоро доранд (қисми 2 моддаи 17). Нақши иҷтимоии занон дар идомаи насли инсон ва аҳамияти модарӣ, масъалаи бебаҳс буда, дар ин робита занон ба кафолатҳои иловагӣ дар соҳаи меҳнат ниёз доранд.
Конвенсияи ТБМ "Дар бораи барҳам додани ҳама намудҳои табъиз нисбати занон" (1979) фароҳам овардани имкониятҳои баробари занон бо мардонро дар соҳаи таҳсилот ва касбомӯзӣ, инчунин дар меҳнат, музди он ва пешравии касбии он дар ҷои кор пешбинӣ менамояд.

Инчунин, муқаррароти Конвенсияи ТБМ, № 100 "Дар бораи музди баробари мардон ва занон барои кори баробарарзиш" (1981) ва Конвенсияи ТБМ, № 156 "Дар бораи муносибати баробар ва имкониятҳои баробар барои мардон ва занон: коргароне, ки уҳдадории оилавӣ доранд" (1981) қобили таваҷҷӯҳанд.

Мардон ва занон дар муносибатҳои меҳнатӣ ва
муносибатҳои бевосита бо онҳо алоқаманд, бо ҳуқуқ ва
ӯҳдадориҳои баробар таъмин карда мешаванд. Ҳамзамон,
бо дарназардошти хусусиятҳои физиологии бадани зан ва
вазифаи репродуктивии он, меъёрҳое муқаррар карда
мешаванд, ки ҳифзи занон аз таъсири манфии омилҳои
истеҳсолӣ ба онҳо таъмин мегардад. Мутаносибан,
меъёрҳои қонунгузории меҳнати Ҷумҳурии Тоҷикистон,
дигар санадҳо ва дар баробари онҳоро, меъёрҳои махсусе,