ки ҳифзи махсуси меҳнати занонро муқаррар мекунанд, нисбат ба заноне, ки тибқи шартномаи меҳнатӣ кор мекунанд, татбиқ карда мешаванд. Ин як гурӯҳи меъёрҳое мебошанд, ки аз ҷумла, истифодаи меҳнати занонро дар корҳои вазнин, кор бо шароити зарарнок ва (ё) хатарноки меҳнат ва ғайра манъ ё маҳдуд мекунанд.

Гурӯҳи дигар аз меъёрҳое иборатанд, ки барои занони ҳомила ва модарони кӯдаки хурдсолдошта кафолатҳо ва имтиёзҳои махсусро муқаррар мекунанд (манъи гузоронида ба кори дигар, манъ ё маҳдуд кардани изофакорӣ, манъи фиристодан ба сафари хизматӣ, кафолатҳо ҳангоми ба кор қабул ва аз кор озод кардан ва ғ.).

Гурӯҳи сеюм меъёрҳое мебошанд, ки ба дигар кормандони ӯҳдадории оилавӣдошта дахл доранд. Тибқи тартиби муқаррарнамудаи қонун ба падароне, ки кӯдаконро бе модар тарбия мекунанд, ё парасторон, парасторони ноболиғон, дигар шахсоне, ки дар тарбияи ноболиғон ё нигоҳубини аъзои бемори оила иштирок доранд, имтиёзҳо ва кафолатҳо пешбинӣ шудааст. Стандартҳои махсуси ҳифзи меҳнати занон ва шахсони дорои ӯҳдадориҳои оилавӣ дар боби 16 ва баъзе моддаҳои бобҳои дигари КМ ҶТ муқаррар шудаанд.

КМ ҶТ дар корҳои вазнин, зеризаминӣ ва шароити меҳнаташон зарарнок истифода намудани меҳнати занонро манъ кардааст. Рӯйхати мушаххаси чунин корҳо бо Қарори Ҳукумати Ҷумҳурии Тоҷикистон аз 4 апрели соли 2017, № 179 «Дар бораи Рӯйхати корҳое, ки дар