субъекти ин муносибат мешавад. Дар КМ ҶТ корманд ҳамчун шахсе муайян карда мешавад, ки бо корфармо муносибатҳои меҳнатӣ бастааст.

Дар баробари шахсони ҳуқуқӣ ба шахси воқеӣ (шаҳрванд) низ мақоми ҳуқуқӣ дода шудааст, ки дар соҳаи муносибатҳои ҳуқуқии меҳнат бо ҳуқуқҳо, озодиҳо ва ӯҳдадориҳои асосии дар Конститутсияи Ҷумҳурии Тоҷикистон (моддаи 35) ва қонунгузории меҳнатӣ муқарраршуда тавсиф карда мешавад.

Корфармо ҳамчун субъекти муносибатҳои меҳнатӣ бояд қобилияти ҳуқуқӣ дошта бошад, ки он ҳамчун шахси ҳуқуқӣ аз лаҳзаи бақайдгирии давлатӣ тибқи Кодекси граждании Ҷумҳурии Тоҷикистон эътироф карда мешавад.

Ба ғайр аз шахси ҳуқуқӣ (ташкилот), шахси воқеӣ (шаҳрванд) инчунин ҳуқуқ дорад, ки ҳамчун корфармо баромад кунад. Чунин корфармо шахси воқеие буда метавонад, ки аз лаҳзаи бақайдгирии давлатӣ бе таъсиси шахси ҳуқуқӣ ба истифодаи меҳнати кормандон машғул аст. Инчунин, дар баъзе ҳолатҳо, шахси воқеӣ (шаҳрванд) метавонад ба сифати корфармо баромад кунад ва шаҳрвандони дигарро ба кор ҷалб кунад (ба ҳайси кормандони хонагӣ, доя, боғбон ва ғайра).

Агар шахсони воқеӣ ҳамчун соҳибкори инфиродӣ ба
қайд гирифта шаванд пас онҳо "корфармоён - шахсони
воқеие, ки соҳибкорони инфиродӣ мебошанд" номида
мешаванд. Дар акси ҳол, онҳо ба категорияи дигар, ки