Муддати дароз менеҷмент омӯзиши тағйирёбиро аз рӯи схемаи «талабот - тадқиқот - аниқ кардани қонуниятҳо - пешниҳодҳои аниқ - истифодаи натиҷаҳо» гузориш медиҳад.

Дар солҳои охир менеҷменти аврупоӣ ва махсусан мактаби олмонии менеҷмент сохтори дигарро кор карда баромаданд, ки чунин аст:
муайян кардани дастовардҳои олӣ дар фаъолияти амалӣ; таҳлил ва асоснок кардани унсурҳое, ки хислати воқеӣ доранд; зиёд кардани усулҳо ва технологияи пешқадам дар менеҷмент.

Унсурҳои дар боло номбаршуда бояд барои нигоҳдорӣ ва мутобиқшавии системаи менеҷмент ба амал бароварда шаванд.

Дар ҷамъбасти фаъолияти таҷрибавии менеҷерон диққати асосӣ ба мутобиқшавӣ дар шароити алоқамандии муҳити беруна ва дохила, ки дар шакли захираҳои инсонӣ, молиявӣ, вақт, ашё, технологӣ, молҳо, хизматҳо ба истеъмолкунандагон ва ғайра дода мешавад.

Таҷрибаи менеҷменти амалӣ нишон медиҳад, ки агар ин системаро аз рӯи ченаки «натиҷаи меҳнат» баҳо диҳем, дар натиҷа имконоти зеринро пайдо менамоем, ки мувофиқи мақсад аст:
муайян кардан ва баҳо додани натиҷаҳо; аниқ баҳо додан ва ҷобаҷо гузоштани ақида, усулҳо ва эҷодкориҳое, ки самаранокии меҳнатро баланд мекунанд; фаҳмидан ва асоснок намудани мақсаднокии мазмуни фаъолияти роҳбарӣ.

Барои гурӯҳбандии меҳнати одамон, дар давраи инқилоби техникӣ, пайдоиши конвейер дар заводҳои Т. Форд, ки ҳамчун қисми функционалии мошин ва технология ҳисоб мекарданд, қисми зиёди мафҳумҳо, ба монандӣ синфҳо, зерсинфҳо, функция, сегментҳо, унсурҳо ва ғайра, аз мафҳумҳои техникӣ гирифта шудаанд.

Бизнес-вожаномаи Оксфорд менеҷментро ҳамчун «муносибати махсус дар байни гурӯҳҳои одамон барои ташкили мақсадҳо» шарҳ додааст.

Аз рӯи таҷрибаҳо маълум аст, ки менеҷерон бояд тавонанд қувваро барои муайян кардани гурӯҳҳои ҳамкории одамон равона созанд.