Ин ашхос воқеан дар бунёди Тоҷикистони навин, дифои ҳаққу ҳуқуқи тоҷикон дар солҳои вазнини мавҷудияти миллат хидматҳои арзанда кардаанд, ки қадршиносии эшон аз ҷониби Пешвои миллат аз эҳсоси баланди худшиносии он кас дарак дода, барои ҷавонон дарси бузурги ибрат ва ҳикмат мебошад.
Ҳамин тариқ, китоби “Чеҳраҳои мондагор” хонандаи тоҷикро бо таърихии воқеии миллати тоҷик, корномаву корнамоиҳо, шебу фарози таърих, мардонагӣ ва пойдории миллати мо ошно месозад. Нигоштаҳои Пешвои миллат, тасвири воқеаҳои тақдирсози таърихӣ, муқоисаву муқобалаҳо ва хулосаҳо ҳамчун сабақи пандомези таърихӣ барои имрўзиён ва ояндагон арзиши баланд дорад. Асар дар ниҳоди хонанда муҳаббат ба Ватан, эҳтиром ба миллату забон, гузаштагони бонангу орро бедор мекунад ва дар густариши эҳсоси худшиносиву худогоҳии миллӣ таъсири бузург дорад. Ҳамин тариқ китоб:

1. Хонандаи тоҷикро бо таърихии воқеии миллати тоҷик, корномаву корнамоиҳо, шебу фарози таърих, мардонагӣ ва пойдории миллати мо ошно месозад.
2. Нигоштаҳои Пешвои миллат, тасвири воқеаҳои тақдирсози таърихӣ, муқоисаву муқобалаҳо ва хулосаҳо ҳамчун сабақи пандомези таърихӣ барои имрўзиён ва ояндагон арзиши баланд дорад.
3. Дар китоби мазкур ба баҳсҳои зиёди илмиву таърихӣ оид ба пайдоиши забон, бунёди давлатдории тоҷикон, воқеаҳои баҳсноки таърихӣ, тақдири шахсиятҳои таърихӣ нуқта гузошта шудааст.
4. Дар ниҳоди хонанда муҳаббат ба Ватан, эҳтиром ба миллату забон, гузаштагони бо нангу орро бедор мекунад.
   Махсусан, дар густариши эҳсоси худшиносиву худогоҳии миллӣ таъсири бузург дорад.