Барои хуб баромадани иншо метавон аз унвони асарҳои ҷудогонаи ин шоирон ва ашъори шоирони машҳур ёдовар шуд.
Ҳамин тавр, интихоби мавзўъ ва ёфтани калимаи калидӣ қадами аввалин аст дар кори навиштани иншо.
Мазмуннокии иншо
Масъалаи дигари муҳим интихоби лаҳза ё воқеа аст.
Барои иншо вақти кам ҷудо мешавад. Довталаб бояд дар муҳлати маҳдуд лаҳзаи зарурӣ, муҳимро, ки хислати асосии қаҳрамон ё маънии асарро хуб ифода карда метавонад, пайдо намояд. Чунончи, барои ин ки мавзўи «Эҳтироми падар» дар романи К. Мирзоев «Дар орзуи падар» кушода дода шавад, мо бояд ҷараёни ҳодиса, мақсади нависандаро хуб донем. Ин лаҳзаҳо кадомҳоянд?

1. Таваллуди Меҳрубон ва шодии қаҳрамон; 2. Риштаи мустаҳками байни аъзои оила; 3. Ғуссаи падару модар аз бемории фарзанд; 4. Ба ҷустуҷўи падар баромадани фарзанд; 5. Азоби бепадарӣ; 6. Риштаи ногусастании оилавӣ, ки новобаста ба душвориҳо Меҳрубонро боз ба назди падар овард.
   Агар иншо дар мавзўи «Таърихи муҳаббати Евгений Онегин» бошад, чунин лаҳзаҳои муҳими муҳаббати онҳоро ба ёд меорем:
2. Ишқ ҳамчун ҳисси нозуки инсонӣ;
3. Шиносоии қаҳрамон бо оилаи Татяна Ларина, таассуроти Онегин аз вохўрӣ бо Татяна;
4. Мактуби Татяна ва руҷўи Онегин;
5. Саҳнаи ҳунар ва дуэл;
6. Эҳёи қаҳрамон;
7. Вохўрӣ дар Санкт - Петербург;
8. Вохўрии охирин.