Шер Нина Барбароваро захмин намуда, писараки 14-солаи онҳоро пора-пора кард. Ин воқеаи нохуш дар забони тамоми мардуми Иттиходи Шӯравии солҳои 80-ум чарх зада, пас аз сипарӣ шудани тақрибан 40 сол, ҳанӯз шамоли таърих дар хотираи мардум ин фоҷеаро варақгардон менамояд.
Боқимондаи рӯз ва шоми якшанбе, аз хаёли қаҳрамони мо воқеаи рухдодаи корхонааш, аниқтараш рафтори нафаре, ки сабабгори ин ҳодисаи ногувор шуд, дур намерафт.
– Ин одамиро бинед-а! – хитоб намуд Анӯшервон.
Анӯшервон усто Салимро, ки номи аслиаш Салим Мухторов мебошад, вале аз сабаби «усто» гуфта муроҷиат кардани кормандон, лақаби «усто» ба ӯ часпида буд, хуб медонист. Ин марди солхӯрда аллакай панҷ сол боз ба нафақа баромада буд, аммо яке аз нафароне буд, ки аз замони бунёди корхонаашон тӯли 20 сол дар нашрия фаъолият менамояд. Ҳатто солҳои қаблӣ бо роҳбари нашрия дӯсти ҷонӣ низ будааст. Аммо 8 соли охир пас аз марги ҳамсару ягона фарзандаш ин шахс пурра тағйир ёфта, аз он марди хушмуомилаи пешина умуман ягон нишонае намонд ва ба як нафари канораҷӯю гӯшанишин мубаддал гашт.