724. Нигоҳи Афлотун ба ташкилоти сиёсӣ - давлат — механизми таъминоти талаботи одамон ба шуғл, хӯрок, либос, ҷои зист, тиҷорат, хизмат дар сохторҳои ҳарбӣ, корҳои давлатӣ ва санъат.

КИТОБИ ЧОРУМ - ХИРАДИ РОҲБАРИИ МЕНЕҶМЕНТ

725. Сарчашмаи хирад ва хештаншиносии роҳбарӣ — Қуръони маҷид.

726. Асосгузорони илми хиради роҳбарӣ — Зардушт, Анушервони Одил, Балъамӣ, Форобӣ, Борбади Марвазӣ, Абӯабдуллои Рӯдакӣ, Абулқосими Фирдавсӣ, Абӯалӣ ибни Сино, Имом Ғаззолӣ, Ҳусайн Воизи Кошифӣ, Низомулмулк, Умари Хайём, Низомии Ганҷавӣ, Фаридуддини Аттор, Носири Хисрав, Саъдии Шерозӣ, Ҳофизи Шерозӣ, Убайди Зоконӣ, Мавлоно Ҷалолуддини Балхӣ, Камоли Хуҷандӣ, Мавлоно Ҷомӣ, Ҳилолӣ, Мирзо Бедил, Аҳмади Дониш ва дигарон.

727. Хиради роҳбарӣ дар тамаддуни ориёӣ — тамаддуни ориёӣ таърихи беш аз 7000 сола дошта, маълум гардидааст, ки калдониён чандсад сол пеш аз фиръавнҳо дар Бобулистон тамаддуни ориёнро сомон дода буданд.

728. Нишонаҳои хатҳои мехӣ — мувофиқи ақидаи академик Мюнтер ин забон забони халқи ҳукмрони ҳамон давра, забони форсии қадим буд. Қабилаи ориёнажод аввалин шуда ба паҳн намудани хиради ориён шурӯъ намуда, онро дар шарқ то Ҳиндустону Эрон ва дар ғарб то Руссия ва Аврупо бурданд.

729. Нигоҳи шарқшиноси бузурги асри XIX Ленорман Ф. доир ба таърихи форсҳо — ин нажод ҳанӯз дар наздикии гаҳвораи аввалин наслҳои Нуҳ, дар Бохтар, дар мамлакате иқомат доштанд, ки мо онро барҳақ ҳамчун иқоматгоҳи қадимаю таърихии қавмҳо шиносем ва худи мо низ ба он тааллуқ дорем.

730. Ориёӣ - Сарвари пешворо ифода карда, шумораи ин гуна роҳбарон афзуда, наҳзати ориёиро ба вуҷуд оварданд ва ин наҳзат ба тарафи шарқии Осиёи Миёна ба сӯи қуллаҳои баланди Помир ва Хатлон ҳаракат намудаанд.