Ҷамъбасти талошҳо

Хонандаи азиз, шояд ин ҷо хулосаи маро дар хотимаи китоб мунтазир бошанд. Аммо ман бо ҳазор маъзарат ба иттилои хонандагони ин китоб мерасонам, ки китобамро хулоса намекунам. Аз он ки ин дардномаро бо ҳазор сабри дандоншикан хонданд, ман сипоси хешро мерасонам. Аммо ин ҷо ба ҷои хулоса ду мактуби вазорат; яке аз вазорати нақлиёт ба котиби шӯрои амнияти ҶТ ва дигаре мактуби вазорати нақлиёт ба суроғаи МНА-35-ро меорам. То худ хонанду хулосаи зарурии хештанро бароранд:

Мактуби аввал ВАЗОРАТИ НАҚЛИЁТ ВА КОММУНИКАТСИЯИ ҶУМҲУРИИ ТОҶИКИСТОН Ба №76 аз 18.05.2009. 19/05/2009.08:46. 22003 Ба директори генералии ҶДММ "МНА-35" Сайфиддинов Ҷ.
Нусха: ба ронандаҳои ҶДММ "МНА-35".

Аризаҳои шикоятии Шумо 18 майи соли 2009 таҳти №76 ва 19/05/2009. 08:46.22003 оид ба санҷиш ва хулосабарории аризаи шикоятии ҶДММ "Наҷот", ки гӯё "яктарафа" ҳалли худро ёфтааст, мавриди омӯзиш ва хулосабарорӣ қарор дода шуд.

Ба маълумоти Шумо мерасонем, ки Зеваршоев З. дар соҳаи нақлиёти рӯизаминӣ шахси фавқулода набуда, таҷрибаи бои корӣ дошта, ӯ дар асоси ҳуҷҷатҳои пешниҳоднамудаи Исомаддинова Н. пас аз таҳлил хулосабарорӣ кардааст. Хулосаи Зеваршоев дар навбати худ аз тарафи шахсони масъули Вазорат, муовини вазир Худоёров Х.З. ва сардори шӯъбаи ҳуқуқ Машарифов Н.А пас аз санҷиши иловагӣ тасдиқи худро ёфтааст, метавонед дар ҳайрат нашавед. Санаи аслии тасдиқи хулосаи санҷиши хизматӣ 07 майи соли 2009 буда, на 07 апрел аст, ки ин ҷо иштибоҳи техникӣ шудааст. Барои дарёфти хатогӣ аз Шумо миннатдорем! (Тӯли як моҳ санҷиш гузаронида шудааст). Ҳамаи бандҳои