барои муносибати яктарафа ва ба зиддияти байни ҶДММ "Наҷот" ва се Ҷамъиятҳои дигари соҳа ("МНА-35", "Арсенал" ва "Танзим") замина гузоштан, бо таври зарурӣ наомӯхтан, ба Раиси Ҳукумати шаҳру вилоят ва мақомоти дахлдор хулосаи дуруст пешниҳод накардан ва ба аризаҳои шикоятии ҶДММ "Наҷот" баҳои дуруст надодан ва беҷавоб монданаш ба Дастгоҳи иҷроияи Президенти Ҷумҳурии Тоҷикистон маълумот пешниҳод карда шавад.

Шарҳ:
Дар ҳақиқат пас аз ба анҷом расидани санҷиш, вақти тартиб додани протоколҳо, ки бояд ҳамагон ба имзо мерасониданд муовини Раиси ш.Исфара Абдурофиев М. ба таври ошкоро нисбати ҶДММ "Наҷот" хусумат доштанашро ва тарафдорӣ аз Ҷамъиятҳои "МНА-35", "Арсенал" ва "Танзим" буданашро нишон додааст.

Бо ташаббуси бевоситаи сарпарасти нақлиёт аз Ҳукумати ш.Исфара Абдурофиев М. тартиб додан ва ба имзо расонидани протокол то соати 03-и шаб тӯл кашидааст.

Натиҷаи санҷиши хизматӣ пас аз ба охир расидан нишон дод, ки дар ҳақиқат аз аввал то ба охир масъалаи мазкур яктарафа ба манфиати се Ҷамъият "МНА-35", "Танзим" ва "Арсенал" ва ба зарари ҶДММ "Наҷот" ҳал шудааст.

Санҷишҳои назоратӣ ва аснодҳои пешниҳодшуда шаҳодати онанд, ки мусофироне, ки аз нақлиёти ҶДММ "Наҷот" истифода мекунанд, ҳаматарафа қаноатманданд.

Оиди натиҷаи санҷиши хизматии хулосабандишуда, бо супориши Вазири нақлиёт ва коммуникатсия хулосаро бо ҳайси эксперт, сармутахассиси Раёсати нақлиёти рӯизаминӣ-Зеваршоев З. пурра хонда, таҳлил карда, хулосаи худро дар ҳаҷми ду варақ пешниҳод кард.

(Замима 4А). Сарпарасти соҳаи нақлиёт Муовини Вазир-Худоёров З.Х. шахсан хулоса ва маводҳои замимашударо пурра омӯхта, чунин дастхат гузоштааст: "Мувофиқи ҳуҷҷатҳои пешниҳодшуда Хулоса объективона навишта шудааст. Имзо. 07.05.2009".