Оё сабабаш ҳамин набуд, ки ӯ ба хешу табори техасии худ бештар дил баста буд ва мехост дар айёми пирӣ тасаллои дили онҳо гардад? Ё худ, шояд, ягон чизи дигар ӯро ба он ҷо ҷалб менамуд?

Ҳамчунон беғаразона ҷавоб медиҳем, ки он ба хулқу атвори Исидора хос мебошад. Ӯ ба умеди он ки бо Морис Чералд вохӯрад, ба Леона неомад. Ҳамчунон ошкоро гуфтан мумкин аст, ки ӯ Морисро дӯст медошт. Эҳтимол, ба ивази ёрии дӯстонае, ки як вақтҳо ба ӯ расонида буд; вале тахмин кардан дурусттар мебуд, ки дили Исидораро шуҷоату ҷасурие, ки ҳамон вақт Морис нишон дод, рабуда буд.

Оё мақсади Морис ба ӯ мақбул шудан буд — кӣ медонад... Ӯ инро инкор мекард, вале бовар кардан душвор буд, ки ягон кас ба чашмони Исидора бепарвоёна нигоҳ карда метавонист.

Шояд, Морис дуруст гуфта буд. Вале пеш аз он ки бо Исидора шинос шавад, агар бо Луиза Пойндекстер вомехӯрд, ба гапи ӯ бовар кардан осон буд.

Вале, қиёс аз ҳамаи ин, сеньоритаи мексикой ба тахмин кардан асос дорад, ки Морис ӯро дӯст медорад.

Исидора сабру қарорро аз даст медиҳад. Мизоҷи тунди вай ба номуайянӣ тоб намеорад. Ӯ медонад, ки мустангерро дӯст медорад. Қарор дод, ки изҳори муҳаббат кунад ва аз вай рӯйрост ҷавоб талаб намояд: Морис ӯро нағз мебинад ё не? Бинобар ҳамин ӯ ба Морис Чералд мулоқот таъин кард ва Морис ба ин мулоқот омада натавонист.

Ба ин Мигуэль Диас халал расонд.

Вақте ки Исидора таркӣ ялангӣ карда, ба сӯи аспендан амакаш асп тозонд, ҳамин тавр фикр мекард.

Исидора аспи крандро чорнаъл медавонад.

Сари ӯ луч мебошад, мӯяш парешон шудааст; мӯи сиёҳи анбӯҳаш ба китфонаш, ки онро на гарданбанд, на серапе пӯшидааст, фуромадааст. Ӯ сераперо ҳамроҳи сомбреро дар ялангӣ фаромӯш карда буд.

Чашмони ӯ бо ҳаяҷон медурахшанд; гуноҳояш лолагун гаштаанд.

Мо акнун сабабашро медонем.

Инчунин маълум аст, ки чаро вай бо чунин суръат асп меронад: ӯ худаш дар ин бора гуфт. Исидора ба хона наздик шуда лаҷомро мекашад. Асп суръати тохтанашро суст карда, резачорпо,