Асарҳои мунтахаб ҷилди 8
- Ман худам ба милиса рафта арз намудам, ки тайи ду-се шаб панҷ нафаре ба хона омада худро саҳмдори моликияти мо эълон намуданд.
- Магар ин рост аст?
- Содда будаӣ.
- Ту чӣ ақлатро хӯрдаӣ?
- Оҳистатар, оё нашунидаӣ, ки девор муш ва муш гӯш дорад
- Чаро бо ман сухане нагуфта ба милиса тохтӣ?
-Ассалому алайкум. - Чӣ маро масхара мекунед?
- Туро?
- Ҳа маро.
- Оё худат медонӣ, ки чӣ гуфта истодаи?
- То кунун ман ақламро гум накардаам.
- Ҳозир гуфтӣ, ки чаро ман бо худат маслиҳат накарда ба милиса тохтам ё нагуфтӣ?
- Гуфтам .
- Чунки туро наёфтам.
- Дурӯғ. Ман чанд рӯз дар офис будам.
- Ба офис рафта тавонистӣ, вале то ба ин ҷо омадан бароят душворӣ намуд.
- Ба ин ҷо мегӯед?
- Ҳа, ба ин ҷо, охир шумо дӯсти Сафо будед, ё касе роҳатонро баст?
- Медонед вай милиса он рӯз тавре ба ман нигоҳ кард, ки …
- Кадом милиса?
- Сорбони Ҳомид.
- Чӣ хел нигоҳ кард?
- Нигоҳе, ки саросар ғубору нафрат аст ва инаш ҳам дарди бахайр буд агар…
- Агар чӣ?
- Агар имшаб, ҳангоме ки ман баҳри вохӯрӣ бо ў даст дароз намудам, «дасти нопокатро гир» намегуфт. Ба бахти банда, ки ҳамон калонашон омаду ўро ба ҷояш шинонда бандаро то субҳ ҷавоб дод.
- Ту бошӣ рост ба ин ҷо омадӣ?
- Гумон дорӣ, ки онҳо аз қафои банда чун соя омаданд?
- Аз куҷо донам.
- Метавонед осуда бошед, ман ҳам дар ин ҷода баъзе ҳолатҳоро мефаҳмам ва гоҳ-гоҳ ба қафоям нигаристам.
Барномасозӣ
Олами Афсонаҳо
Ахбор