-Ўро бо шумо чӣ иртиботест?
-Ў аслан дӯсти қадимии хонадони мост. То ҷое, ки банда огоҳӣ дорам, ў шогирди худораҳматии падари Сафо буда, худ дар нисбати Сафо ҳукми устодӣ дорад. Ба қавле нону намакхӯри ҳамдигар буданд.
-Далел?
-Шуморо нафаҳмидам.
-Чаро шумо аз Хусрав Раҳим домангиред?

• Ҳамон шабе, ки ман ба кӯчаи Беҳзод рафтам, ў маро дида буд.
  -Дар куҷо?
  -Дар рў ба рўи тарабхонаи «Ором»
• Соати чанд?
  -Ман расо соати бисту ду аз хона баромадам, шояд баъди даҳ ё понздаҳ дақиқа.
  -Магар ин асос шуда метавонад, ки ў оилаеро вайрон созад ва мо ҳатто ба гӯшаи хотир ҳам оварда наметавонем, ки ў дар бораи муносибати шумо ва Хушнуди Замир хабар дошта бошад.
  -Шумо ҳоло ба собуни он марди сӯзанхӯрда ҷомашӯӣ накардаед.
  -Худи шумо чӣ?
  -Вай лаънати ҷунбиши кайкро дар зери бӯрё мефаҳмад.
  -Шояд равшантар карда гап занед.
  -Сеюми июн зодрӯзи Сафо буд. Дар рӯзи мавлудаш ба ғайр аз дигар ёру дӯстони наздик ў шогирди падар ва устоди хеш ҳамин худозадаи Хусрави Раҳимро ҳам даъват намуда буд. Ў он бегоҳ ҳамроҳи ҳамсараш омада буд. Намедонам ў чӣ тавр аз нигоҳи мо дарёфт, ки нисбати ҳамдигар бе тафовут нестем.
  -Аз нигоҳи кӣ?
  -Аз нигоҳи ману Хушнуд.
  -Магар чунин нигоҳ рух дода буд?
  -Зодрўзи Сафо ба ҳолате рост омад, ки ману Хушнуд Замир ҳамагӣ як хафта ё шояд камтар аз он ҳам роздонӣ ҳамдигар гашта будем ва табиист, ки гоҳ-гоҳ дуздида ба ҳамдигар менигаристем ва ана ҳамин нигоҳ шояд ба Хусрав Раҳим писанд наомада буд.