Дар ҳоле ки сарвари ШКД аз шикасти амалиёт сару калобаашро гум намуда буд, сардори бахши дуюми милиса сержанти милиса Алӣ Сафо ба дафтари кории Ҳамид Ҷовид ангушт зад.

• Марҳамат, дар кушода!
• Рафиқ полковник...
• Хуш, чӣ хабар?
• Ҳамааш дар ҳамин ҷо, - гўён сержанти милиса Алӣ Сафо боз чанд қадам ба тарафи мизи кории Ҳамид Ҷовид гузошта, коғазҳои дар дасташ бударо ба дасти сардор дод.
• Марҳамат шинед, - ба тарафи сержант ишора намуда гуфт Ҳамид Ҷовид ва худ ба мутоилаи коғазҳои овардаи сержант пардохт...
  Соати 11.18 дақиқа объекте, ки аз квадрати чоруми маҳаллаи шаступанҷум аз хизмати телефон - автомат истифода бурдааст, ба телефони рақами 22 44 6...алоқа барқарор намудааст.
• Оҳ-ҳо ин рақам шинос менамояд, - гуфт Ҳамид Ҷовид ва лаҳзае ба андеша рафт...
  Сипас аз ғалладони мизи кориаш дафтарчаашро, ки аслан рақами телефонҳоро менавишт, бароварда, варақгардон намуд.
• 22- 44 6... Хушдил Одил, - бо овози нимшунаво гуфт ў ва ба тарафи сержант рў оварда гуфт: - Ҳарчи тезтар матни гуфтугўи объектро бо ҳамин рақам дастрас намоед!
• Хуб шудааст рафиқ полковник! - гўён сержант Алӣ Сафо аз дар баромад.
  Баъди бист дақиқа сержант матни гуфтугӯи телефони ки таваҷҷуҳи сарвари милисаро бедор намуда буд, гирифта баргашт:
  “Салом!
• Салом.”
• Вохўрдан лозим.
• Шуморо нашинохтам.
• Ман он нафаре ҳастам, ки шумо тариқи телефон...
• Акнун фаҳмидам.