— Генерал, ин бор дигаргуна омадӣ!
Чун аз генерал посухе нашуд ва ў гурбавор ҷунбидани мушро мепойид, Малишро хуш наомад ва алам аз ҷондораш ситониданӣ шуд:
— Салимча! Куни маро пойида чӣ мекардӣ? Чаро нагуфтӣ, ки армияи генерал омад?! Мо бехабар мондем...
Вале ҳама андешаҳоро садои духтараки филми секси видеойӣ пароканд. Ўро чанд нафар зўрӣ карданду куштанӣ шуданд.
— Аз ҳаминҳо омўхтӣ, Малиш.
— Не, аз шумо генерал. – шерак гашта ва хунаш ба ҷўш омада посух дод Малиш ва таппонча аз чаккаи духтар гирифта сўйи генерал рост кард.
Паҳлўи ў касе каллапўшашро гирифт. Якгўша буд. Ба назари Малиш шинос тофт. Мили таппончаро сўйи ў рост кард. Ҳамин замон зарбаи сахте ба фарқи сараш омад. Малиш баргашта ба пас нигарист, то шиносад. Хаёле Салимчаро диду таппонча он сў гардонданӣ шуд, аз дасташ афтид…