— Хӯш, модоме ки аҳвол чунин аст, гуфтам ман, чаро идораҳои дахлдор дар ҳаққи ӯ чизе намегӯянд?

— Ҳама гап дар болои ҳамин-дия. То имрӯз Куку-и мо деҳа ба деҳа, шаҳр ба шаҳр парида мегашт. Шояд рӯзе тақдири «малахак» насиби вай ҳам шавад. Яъне, як бор ҷастӣ малахак, ду бор ҷастӣ малахак, охир ба дасти малахак.

Бо ҳамин сӯҳбати мо бурида шуда, ҳар ду хайру маъзур кардем. Аз байн чанд ҳафта гузашт. Рӯзе аз газета фаҳмидам, ки дар ҳақиқат Мансурхоҷаи Куку-ро тақдири «малахак» насиб шудааст.