— Оё ин корро барои фиреб додани мушон кардед?
— Не, барои фиреб додани мудири анбор.

ДАР АВТОБУС

Пиразане, ки дар автобус рост истода буд, ба ҷавони тануманди нишастагӣ савол дод:
— Писарам, агар модар ва ё модарарӯси ту дар автобус рост истода бошаду касе ба онҳо барои нишастан ҷой надиҳад, чӣ мегуфтӣ?
— Ҳеҷ чиз намегуфтам, зеро ки ман на модар дорам ва на модарарӯс.

ХОБИ ТАНБАЛ

— Имрӯз аз хоб хеле беҳолу бемадор хестам,— гуфт танбал ба шариконаш.
— Чаро? — пурсиданд аз ӯ.
— Хоб дидаам, ки тамоми шаб дар саҳро каланд задаам.

«ХУБ МАЗА КАРДА БУДАЕМ-ДИЯ»

Ҳофизи машҳур Ҳоҷӣ Абдулазиз дар як базм «Ушшоқи Самарқанд»-ро бо тамоми дилу ҷон хонд. Ҳамин ки ашӯла ба охир расид, шахсе аз ӯ илтимос кард:
— Ҳоҷӣ Бобо, як бор «Ушшоқи Самарқанд»-ро мехондед?
— Ҳозир хондам-ку.
— Ин тавр бошад, хуб маза карда будаем-дия!