-М-ям афтад, — гуфто МОҲ, —
Аз ман монад танҳо ... ОҲ!

Вай бо як Й МОҲӢ шуд,
Сӯйи дарё роҳӣ шуд.

АФТОДАНИ АЛИФБО
(Илҳом аз Ю. Тувим)

Ё тавба! Э, чӣ гап шуд?
Э, ин чӣ доду фарёд?
Нохост як Алифбо
Аз рӯи токҷа афтод!

Ҳар сӯ фитода ҳарфе,
Бечораю бачора:
Г дида андак осеб,
Ж гашта пора-пора!

Ю ногувор монда:
Зарринкамар куҷо шуд?
Ваҳ, Ҷ-и зормонда
Аз думчааш ҷудо шуд!

Ду лунҷи Ф варам кард,
О, ин чӣ бедавой!
Б-ро лапар парида,
Я-ро на сар, на пое!